Psa 130 | IboBIU | STEP | Abụ nrigo. O Onyenwe anyị , ọ bụ site nʼebe dị omimi ka m na-ebeku gị akwa.

Psalms 130

Abụ nrigo.

Mkpụrụobi na-ele anya Chineke

1 O Onyenwe anyị, ọ bụ site nʼebe dị omimi ka m na-ebeku gị akwa.
2 Onyenwe anyị, nụrụ olu m.
Ka ntị gị na-aṅakwa ntị
nʼolu arịrịọ m, maka amara.

3 O Onyenwe anyị, a sị na i detuo mmehie niile,
Onyenwe anyị, onye pụrụ iguzo?
4 Ma ọ bụ nʼaka gị ka mgbaghara mmehie ^{▼▼Ọpụ 34:7; Neh 9:17; Dan 9:9} dị;
ime ka anyị tụọ gị egwu, ma jeere gị ozi.

5 Ana m echere Onyenwe anyị, mkpụrụobi m na-echekwa ya,
ọ bụ nʼokwu ya ka olileanya m dị.
6 Mkpụrụobi m na-echere Onyenwe anyị
karịa ndị nche abalị na-echere chị ọbụbọ,
e, karịa ndị nche abalị na-echere chị ọbụbọ.

7 Ndị Izrel, ka olileanya unu dịrị na Onyenwe anyị,
nʼihi na ịhụnanya ya na-adịgide adịgide,
nʼaka ya ka nzọpụta zuruoke dịkwa.
8 Ya onwe ya, ga-agbapụta Izrel
site na mmehie ya niile.